Jay FM Live

Current track

Title

Artist

Background

Oga Presido Buhari don finally tok ontop di attacks wey shele for Kaduna, Plateau, Sokoto state…say e no good at all

Written by on August 3, 2022

Make we touch base for security matters where di Gubernatorial Candidate for (PDP), Barr. Caleb Mutfwang open domot tok about di attack wey bad men bin kpuff 7 members of Danda family for Chugwi community inside Jos South Local Government Area of Plateau State.

Oga Mutfwang wey bin lead pipo and im Deputy candidate, madam Josephine Piyo go Vom Christian Hospital to go see di pipo wey suffer di attack…na dia he tok say di mata dey sad and painful…epechially wen he see di condition of 4-Month-old David Pam wey gunshot make doctors cut im hand comot.

Oga Mutfwang condemn di mata, as he come advise di community pipo say make den ginger so dat den go protect densef from badmen.

Still ontop security marras…..we don hear say oga Presido Muhammadu Buhari don greet pipo wey badmen bin kpuff dia pipo for Sokoto, Kaduna and Plateau states.

Oga Buhari bin send im greeting for one letter wey im tok tok pesin, oga Garba Shehu give tori pipo on Tuesday for Abuja…na so oga presido look di mata say plenty pipo don kpuff for dis attacks.

He come sama assurance give dem say federal government dey work up and down to make sure say den solve di security gbege …sake of say den don give security pipo full freedom to deal with,bad men so dat di madness go stop.

As oga presidio dey comfort pipo wey badmen bin attack for di country, he come tok say Naija government don reach beta progress to gbege badness and terrorism for di country.

Oga Presido Muhammadu Buhari open dis one on Tuesday wen he receive letters from Canada and Mexico pipo wey send dia ambassadors to Naija, Ambassador James Kingston and Ambassador Juan Alfred Miranda, for Abuja.

As he dey call more international pipo to helep us fight di security gbege, oga Buhari tok say Naija don make beta progress for dis mata.
Oga Inspector-General of Police, Usman Baba don tell pipo wey dey stay for Abuja and dia environs say mak den no fear for di threat wey badmen dey throwey give dem.

He come sama assurance give Naija pipo espechially FCT pipo say safety and security cover dem big time…so make den dey do dia normal business wthout fear of attacks.


Reader's opinions

Leave a Reply

Your email address will not be published. Required fields are marked *